Organisation
La Coutellerie wird von einem Komitee aus etwa zehn Personen geleitet, die sich jede Woche treffen. Sein tägliches Leben ist dank des Teams aktiver Mitglieder möglich, die die Zeitpläne erfüllen und direkt oder indirekt an seinem Betrieb beteiligt sind. Es ist möglich, als passives Mitglied einen Beitrag zu leisten, indem Sie einen Jahresbeitrag zum kostenlosen Preis zahlen.
Gschucht vom Ort
D Gschücht vo La Coutellerie fet im Mittuauter a, denn wo das lenga, hooia Gebüüde mitera überraschendi Architektur una Turm grad näbem Churzwäg isch buut cho. Dank amena regumässiga u subera Underhaut über mehreri Jahrhundert het sich z Huus chum veränderet. U wenn, denn positiv! De aktuell Bsitzer, de Res Balzli, het z Huus im 2013 ufkuuft, wo sit däm wo de letscht Betriber vo de Grand-Fontaine 1, de Herr Baumgartner, wo det sis Waffegschäft het gha, gange isch, leer isch gsi. Unbewusst het de M. Baumgartner mit sim Gschäft de hütiga Name inspiriert.
I Erwartig vonera Buubewilligung isch de Herr Balzli vo as paar Jungi kontaktiert cho, wo hi bemerkt, dass z Huus scho länger leer isch. Grosszügig übergit är ihne d Schlüssle u z Erlubnis, dete chönne z mache was sie wi. Us dem Ustuusch si nai as Veloatelier, populärs Ässe, Debatte-, Musig- u Projektionsabene sowie Festivals etnstane… Was sich aber vor allum zämestöut, isch a wahri Fründschaft zwüsche de Bewohner u m Bsitzer. Z ging schwankenda Kollektiv füut dä Ort mit Läbe u Ideene. Uf de Basis vom Ustuusch, vo bruuchti Waar u vomena fria Priis würd La Coutellerie zunera nid marktbezogeni Enklava, wo sich i totali Säubschtverwautig de artistischi u soziali Experimentierig wüdmet.
Nachera 4-jährigi Aktivität ohni formelli Gnähmigung het de Herr Balzli iz d Buubewilligung becho. Är, wo sit am Ufchuuf plaanet het, La Coutellerie i zwü Tiile ufztiile. Us de zwü oberschte Stöck würd sini Wohnung u ds Ärdgschoss u de Turm, oberhaub vom Churzwäg, wärde zunera öffentlichi Iirichtig transformiert (siehe Dossier vom Res).
Dank dene 4 Jahr, gfüut vo Ustuusch, Zämenarbiit u agnähmi Beziehige het de Herr Balzli dene wo während deri Zyt hi gwärchet vorgschlage, im Huus z bliebe u a nüüi Herusforderig aznäh: D Verwautig vonera de Norme entsprächendi öffentlichi Iirichtig. De Vorschlag chunnt guet a u schnäu a Mau het as Grüppli vo öpa zäh Persone as Projekt gstartet, wo d moralischi Grundlage ufrächterhautet, wo i de letschte vier Jahr understützt hi: De choschtelosa Ustuusch, d’Ufgschlossehiit, de Zuegang zunera nid globalisierte Informationsquälla u Kultur.
Churz nach de Eröffnig vo de nüii Coutellerie isch de Herr Balzli gstorbe u het üs us Weise hinderla. Er het sich aber no drum kümmeret, z Huus de Stüftig Wunderland z vermache, zu wölera er o het kört. Iz isch üses Züu, sini Seeugrössi ufrächtzerhaute, i däm wier z Huus witerhin zum Läbe bringe wo är üs het hinderla.